လမ်းသွားရင်းနဲ့ ရုတ်တရက်တွေ့လိုက်လို့ ရင်ထဲမှာ စွဲလန်းသွားပါသလား။ သူ့ရဲ့ facebook အကောင့်ကို သိလိုပါသလား? ကိုယ်သိလိုသူရဲ့ ပုံရိပ်ကို ပြရုံနဲ့ facebook အကောင့်ကို ရှာဖွေနိုင်မယ့် App တစ်ခုကို အင်္ဂလန်နိုင်ငံမှ စွန့်ဦးတီထွင်သူ လူငယ်တစ်ဦးဖြစ်တဲ့ Jack Kenyon တီထွင်ခဲ့ပါတယ်။
ဒါကတော့ လူငယ်တွေအတွက် သတင်းကောင်းပါဘဲ။ ကော်ဖီဆိုင်မှာဖြစ်ဖြစ်၊ bus ကားစီးရင်းနဲ့ဖြစ်ဖြစ် ကိုယ်သိလိုတဲ့ စကီလေးတွေ၊ ဘဲလေးတွေရဲ့ facebook အကောင့်ကို ခိုးချောင်းရတာ အမောပါဘဲ။ ကိုယ်ချောင်းနေတာ သူများ သိသွားလေမလားဆိုတဲ့ စိုးရိမ်စိတ်ကလဲ ဝင်ရပါသေးတယ်။ ခုတော့ အဲ့ဒီလိုမျိုး ရုပ်ပျက်ဆင်းပျက် ဖြစ်စရာလိုဘဲ စမတ်ကျကျ ရှာနိုင်မှာပါ။
စမတ်ကျကျဆိုပေမယ့်လည်း အနည်းငယ်တော့ စွန့်စားရပါအုံးမယ်။ ကိုယ် သိချင်တဲ့ လူကို ဓာတ်ပုံရိုက်ရမှာပါ။ မျက်နှာကို အဓိက ထားရိုက်ရမှာ ဖြစ်ပြီး အဆိုပါ ပုံရိပ်ကို ရရှိတာနဲ့ App ကနေ ၁၀ စက္ကန့်အတွင်း facebook အကောင့်ကို ရှာဖွေပေးနိုင်မှာပါ။ အချို့ကတော့ နည်းပညာတွေကြောင့် လူတွေဟာ လုံခြုံမှုဆိုတာ ဘာမှန်းတောင် မသိတော့ဘူးလို့ မှတ်ချက်ပေးကြပါတယ်။
App အမည်က Facezam ဖြစ်ပြီး မကြာမှီကာလမှာ Apple Store ပေါ်သို့ ရောက်ရှိတော့မှာ ဖြစ်ပါတယ်။ ကံမကောင်းစွာနဲ့ဘဲ Android အသုံးပြုသူများအတွက်တော့ ရရှိနိုင်အုံးမှာ မဟုတ်ပါဘူး။ ဒါကြောင့် Android သမားတွေ မုမု… 😛